Ministeren trosser direktøren

Aqua Nor: Fiskeri og kystminister Helga Pedersen trosser råda frå fiskeridirektør Liv Holmefjord når ho gjev næringa løyve til å auke produksjonen av laks og aure med fem prosent i 2010. Holmefjord ville ha forsking før produksjonsauke.

Kari Johanna Tveit

Fiskeridirektør Liv Holmefjord og Fiskeridirektoratet har gjeve regjeringa og fiskeri- og kystminister Helga Pedersen råd om å ikkje auke veksten i produksjonen av laks og aure i 2010. Holmefjord ville først ha meir midlar til forvaltingsretta forsking for å utvikle eit faktabasert og kunnskapsbasert regelverk.

Trass i dette innspelet meinar Pedersen at Fiskeri og kystdepartementet handlar i tråd med Fiskeridirektoratet sine råd når det vert lagt til rette for ein produksjonsauke på fem prosent. Dette forklarar ho med at dei no vil gå inn å vurdere kva regionar ein ikkje tilrår vekst i denne omgang. Det handlar i første omgang om Hardangerfjorden og Nasjonale Laksefjordar, men ho førespeglar også at andre områder vil bli vurdert som freda for vekst i 2010.

Innrømmer usemje
Fiskeridirektøren innrømmer ovanfor Norsk Fiskeoppdrett/kyst.no at statsråden i denne samanhengen ikkje handlar i tråd med Fiskeridirektoratet sine faglege råd.
-Eg ville at det skulle settast av midlar til forvaltingsretta forsking før ein auka den nasjonale produksjonen av laks og aure enno meir, men eg registrera jo at Helga Pedersen vel å gjere dette parallelt, seier Holmefjord til Norsk Fiskeoppdrett/kyst.no. Ho legg til at ho er svært positiv til regjeringa si satsing på forsking i denne samanhengen.

Fiskeridirektoratet og WWF er einige
Maren Esmark i WWF framhevar at Fiskeri og kystminister Helga Pedersen ignorerar råda frå Fiskeridirektoratet og påpeikar at WWF og Fiskeridirektoratet er veldig einige i denne saka.