-Uetisk å seie nei til oppdrett

Håp i Havet: -Oppdrett er den aller mest effektive måten å produserer mat på. Difor vil det vere uetisk dersom Noreg skal seie nei til å utvikle oppdrettsnæringa vidare. Det sa Atle Mortensen i Nofima Marin til deltakarane på Håp i Havet sist veke.

Kari Johanna Tveit

Under den årlege konferansen Håp i Havet som vart arrangert ved Noregs Fiskerihødgskule/Universitetet i Tromsø sist veke hadde Atle Mortensen i Nofima fått i oppdrag å snakke om utvikling av norsk oppdrettsnæring i framtida. Eit av hovudpoenga i innlegget hans var at Noreg har naturgjevne tilhøve for å drive med oppdrett i sjø, og at det difor er etisk rett at vi gjer akkurat dette.

Han gjekk heilt attende til istida, for å underbygge påstandane sine, og framhevar at isen sine herjingar har gjeve oss gode fjordar på same tid som Golfstraumen gir oss gode temperaturar for å drive matproduksjon i sjø. Difor har vi også eit globalt ansvar for å gjere det.

Vi er smarte og innovative
I tillegg til at vi har dei naturgjevne tilhøva for å produsere mat i sjøen, har norsk oppdrettsnæringa også vore effektiv og dyktig med tanke teknologiutvikling og å få til ein biologisk god produksjon.
-Høge kostnadar har tvinga oss til å vere smarte og innovative, og vi har eit godt samspel mellom næring og forsking, sa Mortenesen.

Eit etisk ansvar for å drive med oppdrett
I ein samtale med Norsk Fiskeoppdrett/Kyst.no etterpå framheva han poenget med kvifor han meinar Noreg har eit etisk ansvar for å drive matproduksjon i sjø.
-Vi driv ein ressursmessig effektiv produksjon, vi har dei naturgjevne tilhøva og vi ha kunnskapen. Er det då etisk rett å sei nei til å produserer mat langs norskekysten, spør Mortensen. Han kan ikkje forstå at vi kan sei nei til oppdrett fordi vi ikkje vil sjå anlegga frå hytta vår. Skal vi overlate til andre å produsere mat, medan vi set på hytta å nyt utsikta, spør han.

Noreg ein del av verda
Atle Mortensen frå Nofima Marin i Tromsø innrømmer at den norske matproduksjonen vert liten i den store samanhengen, men han syns ikkje vi har rett til å sei nei til å produsere mat av den grunn.
-Vi er sjølvsagt små i verdsmålestokk og i høve til verdas befolkning, men inneber det at det er etisk rett å sei at vi vil ha naturen vår for oss sjølv, spør Mortensen til slutt.