Lovund pluss laks er sant

Kari Johanna Tveit Arrangørane sitt mål med å arrangere ein laksefestival på Lovund var å synleggjere møte mellom produksjonen av norsk laks frå havbruk og det endelige produktet som vi får på tallerken, noko dei har klart på ein svært så god måte. Laks i norsk, svensk og tyrkisk kjøkken blei ei kulinarisk oppleving for dei som var så heldige å få vere med på festen.

Dag to på festivalen vart opna med champagnefrukost på Lovund Rorbuhotell, med laks som ein viktig ingrediens på bordet. Etterpå fekk deltakarane sjå korleis produksjonen i havet føregår, og kva som skjer frå laksen kjem inn på slakteriet til den er ferdig pakka og klar for å bli sendt ut i marknaden.

Lunsj med Fiskesprell Etter innføringa i norsk lakseproduksjon var det lunsj på Lovund Skule der elevar som deltek i Eksportutvalet for fisk sitt prosjekt Fiskesprell, servert mat til alle på seminaret. Og i fylgje elvevane som sjølv presenterte menyen, måtte vi ikkje vere i tvil om at det handla om laks.

Laks i svensk og tyrkisk kjøkken Etter ein gjennomgang av korleis produksjonen av leppefisk føregår i praksis og korleis laksenæringa har lært seg å bruke rensefisk for å fjerne lakselus, var det dei tilreisande kokkane frå Tyrkia og Sverige sin tur til å presentere korleis dei likar å bruke den norske laksen. Og for norske ganar som er vane med at laksen skal vere godt varmebehandla eller heilt rå, så var her mykje nytt å lære. Variasjonar med lett varmebehandla laks i kebab og i ulike forrettar som smakte meir enn fortreffeleg, viste oss at det er mykje vi ikkje veit om mogelegheitene til det produktet som vi rekna som vårt eige.

Laks og akrobatikk Middagen som også var basert på laks i mange variantar vart presentert og laga av dei fire kokkane i Flying Culinary Circus. Her fekk vi igjen framstilt den rosa fisken på måtar vi ikkje er vane med, og som også bør fungere som ei kjelde til inspirasjon og nytenking. Dei ulike lakserettane vart presentert saman med acrobatikk som skapte mykje latter og god stemning i lokalet. Og den røde tråden gjennom dagen, var det ein alltid like flink Arne Hjeltnes som sto for.

Laks pluss Lovund er sant

Viktor Kolbotten  og Julie Tøllefsen ved Lovund Skule presenterte lunsjmenyen.

Lett varmebehandla laks med rogn er nytt for dei fleste norske gana, men smaka fortreffeleg og viser at vi har mykje å lære om vårt eige produkt.

Når Arne Hjeltnes har regien for programmet får alle kunstpausar eit innhald og alle opplever at alt går på skinne.

Les også: - Øya som har alt