Liten dypvannsfisk kan bli viktig fôringrediens
Meir utnytting og bruk av mesopelagisk fisk, meinar Siv Østervold i Hordafor er nøkkelen til økt berekraft i havbruk og fôrnæringa.
Denne artikkelen er tre år eller eldre.
Sjømat Norge har i planen #Sjømat2030 utvikla seks ulike berekraftsmål.
Siv Østervold tok i sitt foredrag under Sjømat Norges sin årskonferanse i Ålesund onsdag, opp korleis råstoff til fôr kan nyttast i å bidra til meir berekraft frem mot år 2030.
- Me ser at me manglar berekraftige proteinkjelder, som ikkje konkurrerer med menneskemat. Me må nytta heile fiskeressursen, få meir vidareforedling i Noreg, samt me må nytta heile bifangsten.
- Me har også eit spanande og enormt stort unytta potensiale i mesopelagisk fisk som kan nyttast til marine råvarer, la ho til.
- Bruk heile fisken
Det viktigaste for å få dette til meina ho bør vera å få heile fisken til lands, og bruka alle tilgjengelege resursar for å finna gode løysningar for å få mesopelagisk fisk inn i lakseverdikjeda.
- Både fordi det er det rette å gjere, og fordi me manglar berekraftige marine proteina og olja.
Hordafor produserer fiskeolje og hydrolysert marint protein til bruk i norsk, asiatisk og europeisk fôrindustri.
Havforskningsinstituttet skriv at «det fins truleg 10 000 millioner tonn mesopelagisk fisk i verdshava – 100 gonger meir enn mengden villfisk som høstast kvart år».
Professor Dag Aksnes seier i ein forskning.no sak at han trur at oppfatningen om kva som kan verte fiskefôr, fiskeoljer og fiskeprodukter for oss mennesker må endrast for å sikre berekraftige uttak.
“ Vi kan bli nødt til å fiske på bestander som står lavere i næringskjeden, for å skaffe nok mat fra havet til stadig flere folk på jorden. Da er det store omfanget av mesopelagiske fisker en åpenbar mulighet”, sa han til nettsida.