Thermolicer innstalert på båt. Foto: Linn Therese Skår Hosteland

Oppdrettarar går saman om investering mot lakselus

Selskapa Tombre Fiskeanlegg, Eide Fjordbruk og Lingalaks, har investert nær 30 millionar kroner i ein flunkande ny Thermolicer. – Me vonar at avlusing med maskina skal være fyrste prioritet for å sleppe anna  lusebehandling, fortel Erlend Haugarvoll, dagleg leiar i Lingalaks.

Publisert Sist oppdatert

Denne artikkelen er tre år eller eldre.

Thermoliceren sto ferdig i førre veke og var då testkøyrt, før den denne veka starta fyrste jobben med avlusing på lokalitet «Bergdalen» hjå Lingalaks.

Erlend Haugarvoll. Foto: Linn Therese Skår Hosteland

- Før laksen gjekk gjennom køyrte med både frukt og grønt for å vere sikre på at den fungerer som den skal og at fiske-velferda vert ivaretatt. Frukta var fin etter testkøyringa og ein kan og sjå at laksen og har det bra etter avlusing, seier oppdrettaren nøgd.

Har ser no for seg at det vert gjennomført fleire «punkt-avlusingar» med varmt vatten,  på lokalitetane hjå medeigarane.

- I fleire tilfelle kan ein sjå at det er enkeltmerdar som får det største presset, så her gjeld det å følgje med slik at ein slepp «lusesmitte» vidare til dei andre merdane på anlegget, forklarar han.

På dag èin, fekk dei køyrt heile 600 tonn fisk gjennom avlusaren.

- Det er rekna at ein skal kunne køyre 50-80 tonn i timen, så det er veldig effektivt og med svært lav risiko for dødelegheit i motsetnad til eksempelvis hydrogenperoksid. Det viktigaste for oss er å sjå til at fiske-velferda og miljøet er ivaretatt og at det er liten risiko knytt til behandlinga, legg han til.

Ekstern drift

Haugarvoll fortel at oppdrettarane har føringar på korleis Thermoliceren skal rullerast på, alt utifrå behov og geografisk plassering av lokalitetaten. Når eigarane sjølv ikkje brukar utstyret skal det leigast ut. Avlusaren skal og driftast eksternt.

- Det er stor etterspurnad etter denne type avlusing, fortel kaptein Edvard Bakke.

Les også: – Ekstremt gledelig at Thermoliceren gjør det bra

Bakke har langt erfaring innan arbeid med brønnbåt- og servicebåtar til næringa. Han eig og  båten "Seivik" som oppdrettarane har installert Thermnoliceren på, og skal drifte både båt og utstyr. I styrehuset føl han med på operasjonane knytta til avlusinga.

- Eg passar mellom anna på at temperaturen er jamn og at fisken ikkje vert trengt for mykje. Det er eit greitt system å halde oversikta på, fortel kapteinen.

Haugarvoll fortel at det var fleire grunnar til at dei valde å installere avlusaren på ein båt.

- Fleire har valt å ha maskina på lektarar og lignande men slik me ser det kan det følgje til haugevis med ekstraarbeid som sleping og lignande. Ved å installere den på båt kjem ein greiare på plass og ein slepp dette. Me har tru på at dette er den beste løysinga, seier Haugarvoll.

- Godt nøgd

Tombre Fiskeanlegg var dei fyrste som testa ut maskina og fortel at dei allereie har hausta gode erfaringar.

- Me vurderte både luselasar, lusespyling og Thermolicer, og enda i denne omgangen på sistenevnde. Ein av fordelane me allereie har sett er at fisken beheld slimlaget etter avlusing. Nokre seier at laksen tillogmed aukar produksjonen av slim etter behandlinga i varmt vatten. Dette kan stimulerer at det tek tid før neste lusepåslag, fortel Håkon Tombre, dagleg leiar i Tombre Fiskeanlegg.

Knut Frode Eide. Arkivfoto.

Knut Frode Eide, dagleg leiar i Eide Fjordbruk fortel og han er særs fornøgd med den nye investeringa.

- Det har vore ein suksess og gått betre enn venta. Fyrste dagen hadde med nokre småtilpassingar, og sidan har maskina vore i kontinuerlig drift. Lusa forsvinn, laksen har det bra og me er godt nøgd, seier Eide til kyst.no.