70 millionar for ei effektiv lusevaksine

Kari Johanna Tveit Under tittelen: Lakselusvaksine -status- og vegen vidare, heldt Rasmus Skern ved Havforskingsinstituttet innleiing for deltakarane på Europharma sitt årlege "Lofotseminar", som gjekk av stabelen i Svolvær sist veke. Arbeidet med å finne fram til ein ny vaksine er både omfattande og tidkrevjande, og i fylgje Stern handlar det i første omgang om å utvikle verktøy for å finne fram til lakselusa sine svake punkt.

Gode resultat så langt Gode resultat frå testvaksinar som er prøvd ut gjer at forskarane har sterk tru på at det er mogeleg å finne fram til ei effektiv vaksine mot lakselus, men det vil ta tid og koste pengar. -Det er veldig vanskelig både å tidfest og talfeste dette arbeidet, men dersom vi hadde hatt 15 til 20 millionar kroner i året i ein periode på fem år, trur eg vi hadde klart å få fram ei effektiv å god vaksine, seier Stern til Norsk Fiskeoppdrett/kyst.no. Stern framhevar også at den måten forskinga i dag er organisert og finansiert på inneber at mykje tid går vekk til å skrive søknadar.

Fleire ulike prosjekt Så langt er det etablert to hovudprosjekt knytt til utvikling av ei vaksine mot lakselus. Det ein vert gjennomført av forskarar ved Universitetet i Bergen og Havforskingsinstituttet og omhandlar vaksineutvikling og sekvensering av lakselusa sitt genom. Vidare arbeidar Universitetet i Bergen, Veterinærhøgskulen og Havforskingsinstituttet med eit prosjekt knytt til resistensmekanismar og resistensutvikling. I tillegg vil Universitetet i Bergen, Havforskingsinstituttet Veterinærhøgskulen og Veterinærinstituttet innleie eit samarbeid omkring vaksineutvikling, resistensmekanismar, genetiske markørar og epidemiologi i lakselus.