Geir Evensen er konstituert som avdelingsdirektør
Geir Evensen er i statsråd konstituert som avdelingsdirektør i Fiskeri- og kystdepartementet. Evensen skal arbeide i avdeling for havbruk, sjømat og marknad.
Denne artikkelen er tre år eller eldre.
Evensen vil få fagleg leiaransvar for oppgåver knytt til Internasjonalt lag, som har ansvar for mellom anna EØS/EU-saker og internasjonal handelsrett for norsk sjømatnæring. Stillinga er eit 3 års vikariat, skriv Fiskeri- og kystdepartementet i ei pressemelding.
Evensen er 45 år gammal, er utdanna jurist, og har arbeidd i Fiskeri- og kystdepartementet sidan 1993 med handel, industri, eksport, WTO og EU/EØS-saker. Frå august 2007 til august 2010 var Evensen spesialutsending for fisk ved EU-delegasjonen i Brussel.