Importerte mindre laks og aure
Den samla eksporten av norsk laks og aure til Japan gjekk ned i fjor samanlikna med 2004, men det gjorde også eksporten av laks og aure frå Chile til Japan.
Denne artikkelen er tre år eller eldre.
Kari Johanna Tveit
Den samla eksporten av laks og aure til Japan gjekk ned i fjor, men det er i hovudsak på dei frosne produkta at Noreg taper marknadsdelar. Eksporten av fersk laks til Japan var relativt stabil, seier Ola Brattvoll i Eksportutvalget for fisk til Norsk Fiskeoppdrett/kyst.no
Mindre import
Japan importerte mindre atlantisk laks og aure i 2005 enn det dei gjorde i 2006. Eksporten av norsk laks til Japan gjekk ned frå 35.846 tonn i 2004 til 30.240 tonn i 2005. Eksporten av norsk aure gjekk ned frå 24.670 tonn i 2004 til 13.737 tonn i 2005.
Eksporten frå Chile til Japan
Eksporten av Chilensk laks og aure (fryst aurefilèt, laksefilèt og rund aure) gjekk ned frå 68.600 tonn i 2004 til 58.900 tonn i 2005
Brattvoll forklarar den generelle nedgangen i eksporten til Japan i fjor med utgangspunkt i at prisane steig fort på same tid som lagera på den tida var fulle. Eksempelvis så var lagera på frosen aure omlag 20 prosent lågare ved utgangen av 2005 enn det var året før.
Meir fersk laks
Den japanske økonomien er inne i ei positiv utvikling og Ola Brattvoll trur dette vil få innverknad på eksporten av norsk fersk laks til Japan.
-Japanarane er opptatt av at fisken skal vere fersk,og ei positiv utvikling i økonomien vil truleg føre til ein auke i konsumet av fersk laks og aure, seier Brattvoll.