Importforbodet skal opphevast
Sergej Dankert i det russiske mattilsynet skal ha uttalt til den russiske avisa Kommersant at importforbodet av norsk laks vert oppheva.
Denne artikkelen er tre år eller eldre.
Etter at russiske veterinærmyndigheiter vitja Noreg i byrjinga av denne månaden ser det ut til at importforbodet av norsk fersk fisk til Russland vert oppheva. I første omgang gjeld dette anlegga M-394 og ST-400.
Importforbodet for laks fra andre norske oppdrettsanlegg vil i fylgje avisa opphevast innan kort tid, melder nyheitsbyrået Reuters.
Fiskeri og -kystminister Helga Pedersen har uttalt til NTB at ho forventar å få bekreftelsen på oppheving av det russiske importforbodet i denne veka.