Kan teste hjelltorsken
Fiskar Wilhelm Egil Larsen i Storfjord seier han har hengt ein del av torsken han fekk i Storfjord i september på hjell. -Dersom det er tilfelle kan den truleg testast ved hjelp av DNA, seier Ernst Bolle i Fiskeridirektoratet.
Denne artikkelen er tre år eller eldre.
Kari Johanna Tveit Tidlegare denne veka sa Wilhelm Egil Larsen i Storfjord til Norsk Fiskeoppdrett/Kyst.no at ein del av den deformerte torsken han fekk rundt merdane til Storfjord Torsk i Storfjord i september er hengt på hjell. Dette kjenner ikkje seksjonssjef Ernst Bolle i Fiskeridirektoratet i Troms til, men han trur det let seg gjere å teste denne torsken ved hjelp av DNA-analyse på same måte som den fisken som alt er sendt til Havforskinsinstituttet for analyse. -Dette er heilt nytt for meg, men vi må kunne ta prøvar og sjekke om den korresponderar med fisken i merdane og med fisken frå vårt prøvefiske, seier Bolle. Trur ikkje deformitetane er synlege Dagleg leiar Bjørn Mikalsen i Skaret Fisk AS sa tidlegare i haust til Norsk Fiskeoppdrett/kyst.no at deformert torsk av den typen som Wilhelm Egil Larsen har tatt bilete av og sendt inn til Fiskeridirektoratet, har deformitetar som er synlege også etter fisken er sløgd. Han meinar den er så tjukk over ryggen at det er problem å få den igjennom skjeremaskina. Dette er ikkje Ernst Bolle sikker på. Han trur det er vanskelig å sjå om fisken har deformitetar når den er sløgd.