Kundane strøymer til Ryabutikken
Kundane strøyma på då Åge Gerhardsen og Rya Produkter opna ny fiskebutikk i Tromsø sentrum i går. Det er den fjerde butikken i sitt slag i Ishavsbyen, og dei erfarne kokkane som står bak disken satsar på sjømat av aller beste kvalitet.
Denne artikkelen er tre år eller eldre.
-Brukar berre dei beste råvarene Kokkane som vil få ansvar for kvaliteten på alt som går over disken i den nye butikken, har jobba mykje med fisk på ulike restaurantar rundt i Tromsø, og det manglar ikkje på kunnskapar om det dei skal drive med. Fersk fisk, skaldyr og eigen produksjon av suppe og andre delikatesser frå havet skal ha hovudfokus den første tida. -Vi skal berre ha dei beste råvarene vi får tak i, seier Rune Harper til Norsk Fiskeoppdrett/Kyst.no og framhevar at dette handlar om kvalitet.
Når det gjeld ferskvarer vert det i hovudsak berre sats på råvarer frå Nord Noreg. Men til catering vil det vere mogeleg å få det meste innan sjømat dersom ein bestiller på førehand. -Her handlar det om reine smakar og god kvalitet, og ein ting som er sikkert er at det aldri kjem frosen lutefisk inn i denne butikken, seier Rune Harper til Norsk Fiskeoppdrett/Kyst.no. I tillegg til å selje sjømat frå disk, vil dei også lage ferdige porsjonar som kundane kan ta med heim å varme.
Satsar også på Sushi I utgangspunktet kjem Rya-butikken til å produser sushi nokre dagar i veka, men dersom det blir stor etterspurnad, er dette noko dei kan tilby heile tida. Kokkane trur mellom anna at sushi kan bli eit populært tilbod for dei som ønskjer å ete lunsjen sin i butikken.
I tillegg til å drive fiskebutikk i sentrum av Tromsø, vil dei erfarne kokkane også tilby tromsøværingar selskapsmat i ulike variantar. Det meste handlar om fisk, men dei vil skaffe seg samarbeidspartar som kan lever kjøttrettar dersom kundane ønskjer begge deler. Her rettar dei seg både mot bedriftsmarknaden og mot private selskap.
Småskalaprodusentar og lokal mat Rya butikken kjem også til å satse på sal av mat som er laga av småskalaprodusentar i regionen, men dette handlar om produkt som er ferdigpakka. Mellom anna vil dei kjøpe kaffi frå det einaste kaffibrenneriet i Nord Noreg som ligg i Mo i Rana.
Kundane strøyma til den nye Ryabutikken i Tromsø sentrum under opninga i går. Sjømat av alle beste kvalitet står i sentrum for Rya Produkter si satsing.
