Kvaliteten er ei føremon for norsk industri
I dag er det i hovudsak marine oljar frå Sør Amerika og Afrika som vert nytta i ulike typar kosttilskot. Men norsk industri ha ei føremon dersom ein vel å utnytte fersk råstoff av god kvalitet i oljeproduksjonen.
Denne artikkelen er tre år eller eldre.
Kari Johanna Tveit
Men kvaliteten på råstoffet kan også påverke korleis kosttilskotet verkar og olje produsert av ferske biprodukt frå laks og sild, i tillegg til lever frå kvitfisk, gir låg oksideringsgrad, eller sagt med andre ord, låg harskningsgrad. Dette kan representere ei mogeleg føremon for norsk industri. -Vi har god tilgang på ferske råstoff og det gir oss eit stort verdiskapingspotensial dersom vi handsamar dei på ein optimal måte. I dag nyttar vi gjerne berre halvparten av råstoffet til mat, og det er viktig å få ei meir optimal utnytting, seier utviklingssjef Kristin Lauritzen i NSL til Norsk Fiskeoppdrett/kyst.no. Ho har skreve doktorgrad innanfor området marin biokjemi. Forskinga på dei marine oljane er framstilt i rapporten "Omega 3 oljar frå fersk marint råstoff" som er utarbeida av Rubin og basert på forsking gjennomført av Bjørn Skjævestad i Altavida og Gjermund Vogt i Nofima Mat. Den gir ein gjennomgang av status på kunnskap om lipidoksidasjon og helseeffektar i tillegg til ei oversikt over marknadspotensiale for fiskeoljer basert på fersk norsk råstoff. Last ned rapporten her