Lakseoppdrettar Steinar Olaisen er død
Lakseoppdrettar Steinar Olaisen frå Lovund på Helgeland er død. Olaisen har vore ein gründer med stor innverknad på utviklinga av norsk havbruksnæringa.
Denne artikkelen er tre år eller eldre.
Lakseoppdrettar Steinar Olaisen frå Lovund døydde fredag kveld 69 år gamal. Olaisen var ein av dei første som starta med lakseoppdrett i Noreg og har gjennom tidene hatt stor innverknad på utviklinga av næringa.
Saman med Hans Petter Meland, også frå Lovund, var Olaisen sterkt involvert i utviklinga av det som i dag vert omtala som polarsirkelmerder, og som i ettertid vert rekna som ein liten revolusjon når det gjeld utstyr for havbruksnæringa.
Olaisen er også kjend for å ha vore ein sterk pådrivar i utviklinga på Lovund og mellom anna gjennom selskapet Nova Sea har han og familien vore med å bygge eit livskraftig lokalsamfunn langt ute i havgapet.