NIFES kartlegg miljøgift i krabbe
For første gong skal innhaldet av miljøgifter og tungmetall i norsk krabbe frå heile norskekysten analyserast. Analyser av prøver samla inn i 2010 viste høge konsentrasjonar av kadmium i krabbe i Nordland.
Denne artikkelen er tre år eller eldre.
- Vi er i gang med å hente inn prøver. I alt skal 475 taskekrabbar frå 48 posisjonar langs heile kysten frå
Det er funn av høge konsentrasjonar av kadmium i krabbe fiska i Salten i Nordland som er bakgrunnen for at innhaldet av skadelege stoff i krabbe no skal kartleggast langs resten av kysten. Kartlegginga er del av eit større prosjekt i regi av Mattilsynet. I 2010 har innhaldet av kadmium i prøver frå Salten vore over EUs og Noregs øvre grenseverdi for innhald i klokjøt. Kadmium er eit giftig tungmetall som hopar seg opp (blir akkumulert) i kroppen til skaldyr, fisk, dyr og menneske.
Både klokjøt og brunmat i krabbe skal undersøkast for tungmetall som bly, kadmium og kvikksølv og organiske miljøgifter som PCB, dioksin, bromerte flammehemmarar og perfluorerte stoff.
I samband med eit overvakingsprogram (Nasjonalt tilsynsprogram for skjellproduksjon), som vert utført på oppdrag frå Mattilsynet, har NIFES kvart år sidan 2001 utført kjemiske og mikrobiologiske analysar av skaldyr frå utvalde område.