Sjøpølse som alternativ til ginseng
Med utgangspunkt i sjøpølse som råstoff lagar kineserane helsekostprodukt som kan bli like poppulært som ginseng har vore. -Det seier Frank Jakobsen i FHL - industri og eksport til kyst.no.
Denne artikkelen er tre år eller eldre.
Jakobsen arbeidar med å finne fram til nye produkt eller bruksområder for marine ressursar som er lite utnytta. Prosjektet er finansiert av Fiskeri og havbruksnæringens forskningsfond. Saman med Odd Magne Johansen har Jakobsen no vore på reise i Kina og i Sør Korea for å sjå på marknaden for eksport av sjøpølser og kongesneglar. Sjøpølse som helsekost Kineserane har forska for å finne fram til biologiske og medisinske virkestoff i sjøpølse i mange år, og hevdar no å kunne dokumenter at at det finst stoff i sjøpølser som mellom anna kan redusere veksten av kreftceller. I Kina vert sjøpølser brukt både i helsekost, som potensmiddel og som mat. -Når kineserane får besøk av viktige gjestar, serverar dei gjerne sjøpølser, seier Jakobsen. Fangst av sjøpølse I Norge arbeidar ein no med å dokumentere både utbreiing og mengde av sjøpølser både langs kysten og i Barentshavet. Dette arbeidet vert mellom anna utført i samarbeid med Havforskningsinstituttet. Utfordringa vidare er å finne ein god måte å fangste sjøpølser på. Eit forslag er å nytte reketrålar, men dette vil kreve ein del justeringar.