«Fonnalaks» er døypt og klar for å ta større og større volum
- Me er stolte av båten.
Det seier Ingar Fiskerstrand. Han kan melda om ein svært velukka dåp for fartøyet, som allereie har vore i drift i nokre veker.
Etter open dag på Langevåg i Bømlo, med omsyning på den nye fabrikken til Hardanger Seafood AS og båten «Fonnalaks» gjekk turen til Haugesund.
Utanfor Quality Hotel Maritime var det offisiell dåp, der gudmora Tone Tombre ynskte båten «hell og lukke» og knuste champagne mot skutesida. Omlag 150 inviterte gjester deltok i det fine vêret, før det heile var avslutta med middag på hotellet.
