Arbeidet ved Ænes Inkubator hadde offisiell oppstartsdato 5. oktober. Dagleg leiar Jan Gunnar Strand, teknisk sjef Knut Enæs og biologisk ansvarleg Monica M. Lunestad er glad bygginga no er i gong. Foto: Marius Nissestad/Grenda.
Ænes Inkubator skapar arbeidsplassar i ei lita bygd: No er bygginga i gong
Grunnarbeidet til settefiskanlegget Ænes inkubator er no i full gong, og anlegget skal generere mange arbeidsplassar i den vetle bygda i Kvinnherad kommune.
Oppdrettsselskapa Eide Fjordbruk Lingalaks og Tombre har gått saman om å byggje det nye settefiskanlegget Ænes Inkubator ved Hardangerfjorden i Kvinnherad kommune. Anlegget skal produsere kring 3000 tonn laksesmolt årleg, eller 20 millionar laksesmolt med størrelse opp til ein kilo.
Det er Veidekke som er hovudentreprenør og saman med utstyrsleverandøren AKVA group Landbased skal selskapa levere det nøkkelferdige anlegget. Arbeidet starta opp 5.oktober då det var offisiell start på bygginga.
- Stor stas
