Gå til innhold

Martin Lio er ny prosjektansvarleg plast i Østerbø

Østerbø har ansatt Martin Lio som ny prosjektansvarlig for plast i selskapet. Foto: privat.
Østerbø har ansatt Martin Lio som ny prosjektansvarlig for plast i selskapet. Foto: privat.

- Vi er glade for å få ein så dyktig mann med på laget, seier leiar for produksjon og produkt i Østerbø, Steinar Holen. Ansettelsen meiner han er eit viktig steg i den vidare satsinga for Østerbø på leveransar til landbaserte oppdrettsanlegg samt PEHD-produkt til både havbruk og industri.

Martin Lio er i midten av 20-åra og har fagbrev som industrimekanikar og plastmekanikar. Han kjem frå stilling som arbeidsleiar i BMO og har fleire års erfaring innan bygging av prosessanlegg på landbaserte oppdrettsanlegg. Martin bur i Dalen i Telemark og Østerbø vil no etablere eit kontor der som base, mens mykje av arbeidet hans vil foregå i felt og hos kunde, skriv selskapet i ei pressemelding. 

- Eg kjenner Østerbø Maskin og området godt etter at eg var med på utbygginga av Osland Settefisk på Sørebø. Derfor var det interessant når dei lyste ut ei stilling som var midt i blinken for meg. Eg er klar for nye utfordringar og det er kjekt å vere med på satsinga på røyrsystem vi ser no, seier Martin Lio.

Satsar vidare på PEHD-røyr og -produkt

Østerbø har siste åra utført mange større leveransar av røyrsystem både på land og til sjøs, blant anna som totalentreprenør på verdas største landbaserte kveiteanlegg i Ortnevik. Dei har rammeavtale på levering av røyrledningar for innsug og strømningskanalar til dei semilukka merdene til Ecomerden.

Martin tek til i stillinga 1.1.2022 og skal no jobbe vidare med å få på plass og leie arbeidet med endå fleire leveransar til landbasert oppdrett. 

Østerbø Maskin AS er leverandør av løysingar innan utstyr til havbruksnæringa, reservekraft og elektromekanisk produksjon. Bedrifta er ein del av Østerbø Gruppa og har i dag 34 tilsette fordelt på Østerbø, Sløvåg og snart Dalen.

Har du en sak du
vil tipse oss om?