Kvinnhering tilsett som ny finansdirektør i Havyard

Eirik Sævareid (44) frå Kvinnherad Kommune er tilsett som finansdirektør i Havyard Group.

Han kjem frå stillinga som finansdirektør i HG Group (Handeland Gard), som var eit eigar- og managementselskap med base på Handeland i Kvinnherad. Selskapet gjorde investeringar i privateigde selskap innan kraft, eigedom, og industri.

- Gjennom transaksjon gjennomført i juni 2022 vart selskapa i HG Group kjøpt av Havyard Group – rationalet bak transaksjonen er å utvikle ein aktør innan service- og vedlikehald til maritim og landbasert industri. Då eg fekk tilbud om jobben var det ein spanande moglegheit til å bidra i oppbygginga av ein stor industriell aktør, fortel han til Kyst.no.