Internasjonal rekruttering på merdkanten

Besøket gjekk føre seg grunna Leikanger ungdomskule, denne veka har besøk frå elevar og lærarar frå både Spania, Tyskland, Nederland og Bulgaria, i samband med EU- prosjektet Erasmus+.

- Det er heilt utrulig å kome så tett på teknologien og kva som skjer i produksjonen i denne moderne næringa, seier Ingunn-Marie Myren, rektor ved Leikanger Ungdomsskule.

- Me har hatt fleire EU-prosjekt tidlegare og kjende på førehand til fleire av skulane, men denne gongen var det stor respons og  besøket hamna på 22 elevar og 12 lærarar frå utlandet i tillegg til sju elevar og to lærarar frå Leikanger, fortel ho.

Sjølvsagt å visa fram næringa

Erasmus+-prosjektet dreier seg i hovedsak om entreprenørskap og arbeids-moglegheiter i Europa.

- Og då me skulle visa fram arbeidsplassar i Leikanger var det sjølvsagt at me måtte besøkje havbruksnæringa, fortel rektoren.

Møtet med næringa starta fyrst hos Marine Harvest-lokaliteten Sygna/Hermannsverk der ungdommen fekk sjå settefisk-produksjonen deira. Etter dette vart det båttur og anleggsbesøk hjå Osland.

Rektoren fortel at ungdomen på førehand hadde ulik grad av interesse for næringa, og at det heile enda vellukka for alle mann.

- Alle tykte næringsinnsikta var spanande. Eg kontakta fyrst Marine Harvest og dei sat oss vidare i kontakt med Osland Havbruk som tilbydde både båttur og omvising. Det var veldig kjekt at me fekk moglegheit til dette, konkluderar rektoren.

- Besøket er så givande at eg ynskjer at me kunne fått det inn i læreplanen til skulen, legg Myren til.

Ynskjer meir besøk

Geir Helge Østerbø kommunikasjons-ansvarleg i Osland Havbruk, fortel at ungdommen har fått sett mellom anna sjølokaliteten Mjølsvik, der det no søm ny utsett smolt.

- Dei har og fått sjå «Osland Brygge» og sentralfôrings-systemet vårt, i tillegg til at dei har fått innblikk i Osland-historie og havbruks-historie, seier han.

- Me tykkjer det er kjekt å få besøk av ungdommen og ser på dette som eit steg i rekruttering til næringa. Me vonar gjerne at me får mykje meir slikt besøk i framtida. Kanskje me og får på plass ei avtale med Leikanger ungdomsskule om fast program. Det hadde vore stas, fortel ein nøgd Østerbø.