Produserar tre millionar lusejegarar kvart år

I enden av industriområdet Eldøyane på Stord, godt gøymd bak enorme mengder av olje og gassrøyr til verftsindustrien i området, ligg eit anonymt næringsbygg.

Bygget tilhøyrer lakse-giganten Mowi, men det er ikkje laks som sym rundt i store kar på innsida. Inne i den låge, grå bygningen openbarer det seg nemleg ein storstilt produksjon av lusejegeren berggylte.

Ved bruk av avanserte biologiske og tekniske prosessar, som vert overvaka døgeret rundt, er anlegget på Eldøyane eit av få anlegg i Noreg som har klart å etablera suksessfull produksjon av leppefisken Berggylte.