Kystpodden:

– Eg sette foten i døra

– Han ville ikkje ha noko å gjere med verken meg eller Skretting. Han hadde kjøpt noko som ikkje heldt mål, meinte han. Då sette eg foten i døra. Det enda med ein god prat og han vart mangeårig Skretting-kunde.

Gustav Erik Blaalid KYSTPODDEN
Publisert Sist oppdatert

Kystpodden har møtt Erlend Waatevik som delar historier frå sine 53 år i oppdrettsnæringa.

I størsteparten av sitt yrkesliv har han vore i Skretting si teneste. Men vi skal tilbake til der det starta.

– Eg vart kjend med Olav Hanssen (gründer og redaktør i Norsk Fiskeoppdrett, red.anm.), før han vart fagkonsulent i Direktoratet for vilt- og ferskvannsfiske. Olav var ein farande mann som hadde greie på kvinnfolk. Liv, som var nabo og syster til bestekompisen min, blei kona hans etter kvart, og slik var det at vi stifta kjennskap. Han var på mange måtar den som leia meg fram til oppdrettsnæringa, fortel Erlend.

Leste i «Vi Menn»

– Eg hadde ein god kamerat, Magne Bolstad (oppdrettspioneer i Hardanger, red. anm) som var eit unikum når det gjaldt fisk. Han var på telttur og leste ei reportasje i Vi Menn om nokre danskar som hadde lukkast med oppdrett. Han reiv ned teltet og kona måtte flytte inn i bilen. Reiste heim og bygde klekkeri, fortel Erlend på den måten Erlend kan fortelje historier.

Men noko pågåande dørseljar vil han ikkje vedgå å ha vore. Heller å bruke forskingsresultat og erfaringar i arbeidet.

– Det var ein oppdrettar eg ringte til som ikkje verken ville snakke med meg eller ha besøk. Eg troppa likevel opp og banka på. Han opna døra, men ville framleis ikkje prate. Då sette eg foten i døra og vi fekk ein prat i døropninga. Etter kvart inviterte han meg inn, og vi hadde ei synfaring på anlegget. Eg såg ein del ting som han burde gjere noko med, og det enda med at han inviterte meg på middag. Han vart ein mangeårig kunde, humrar Erlend.

Erlend har hatt fleire stillingar og roller i Skretting, I dei seinare år har han jobba med Rensefiskkonferansen i regi av Aqkva AS, men no er det slutt, ifølgje han sjølv.

– Etter 53 år i næringa takkar eg av, seier han til «Kystpodden».

Alle episodar av «Kystpodden» kan du sjå på Kyst.no/Kystpodden og Spotify

- Aldri ein laurdag uten

Sjå meir frå Kystpodden:

kystpodden

Kystpodden

- Kystpodden har som mål å snakke med personer som har bidratt til å bygge opp laksenæringen til å bli en stor og viktig industri. Å lese historier blir aldri det samme som å høre tidsvitner fortelle med egne ord om sine opplevelser. Vi skal møte personer som har hatt ulike posisjoner og ståsted i laksenæringen.

Det er idemaker og podkast-vert Gustav Erik Blaalid som sier dette. Han er selv et tidsvitne med fartstid som næringslivsjournalist i Norsk Fiskeoppdrett siden januar 1990. Senere etablerte han blant annet Kyst.no som var på lufta allerede i 1997. Gustav Erik Blaalid er grunnlegger og eier av Oceanspace Media AS som teller 10 ulike medietitler i Norge, Danmark, Chile og Storbritannia.

kystpodden aktuelt erlend waatevik